"Vulverxemton" Patrisio uchun "Roma"dan qancha so'radi?

"Vulverxemton" darvozaboni Rui Patrisio "Roma"ga o'tishga yaqin turibdi, deb xabar bermoqda Sportitalia nashri. Manbaning xabariga ko'ra, rimliklar 33 yoshli portugaliyalik uchun 7-8 million evro va qo'shimcha bonuslarni taklif qilishgan, ingliz klubi esa Rui uchun 12 million evroga yaqin olishni xohlamoqda.

2020/21-yilgi mavsum Patrisio "Vulverxemton" tarkibida 35 uchrashuv o'tkazib, shulardan 10 tasida o'z darvozasi daxlsizligini saqlab qoldi. Transfermarkt portali futbolchining qiymatini 10 million evroga baholamoqda.