"Real" super transferni amalga oshiradi

Madridning "Real" klubi "Sevilya" himoyachisi Jyul Kundega qiziqish bildirmoqda, deb xabar beradi le10sport nashri. Manbaning xabariga ko'ra, yangi bosh murabbiy Karlo Anchelotti Kundeni sotib olish "Real" yaqinlashib kelayotgan yozgi transfer oynasida amalga oshirishi kerak bo'lgan birinchi transfer deb hisoblamoqda.

Qayd etilishicha, 22 yoshli frantsuzning transferi "Qirollik klubi"ga 80 million evroga tushishi mumkin. Bundan tashqari "Real" "Vilyarreal"dan Pau Torres variantini ham ko'rib chiqmoqda. 2020/21-yilgi mavsumda Kunde "Sevilya" tarkibida 49 ta o'yin o'tkazib, 4 ta gol va 1 ta golli uzatmani amalga oshirdi. Transfermarkt portali futbolchining qiymatini 60 million evroga baholamoqda.