"Atletiko" "Inter" hujumchisiga jiddiy qiziqmoqda

"Atletiko" "Inter" hujumchisi Lautaro Martinesni sotib olish uchun harakatlarni boshladi.

Tuttosport nashrining xabar berishicha, Madrid klubi vakillari allaqachon "Inter" bilan potentsial kelishuvni muhokama qilish uchun uchrashgan.

Ammo, Milan klubi jamoaning etakchi o'yinchilaridan biri bilan xayrlashishga unchalik ham ishtiyoqi yo'q. Shu sabab ham "Inter" Lautaro uchun 80 million evro so'ramoqda.

Oldinroq Martinesga "Liverpul" jamoasi ham da'vogarlik qilayotgani xabar qilingan edi.