"Atletiko" futbolchisiga Angliya, Italiya va Frantsiya grandlari qiziqish bildirmoqda

“Atletiko”ning chempionlik mavsumida ishonchli o'yin ko'rsatgan Saul Niges yozgi transferlar vaqtida boshqa jamoaga o'tmoqchi.

Madridliklar ham moliyaviy inqirozni engib o'tish uchun etakchi futbolchisini qo'yib yuborishga qarshi emas.

26 yoshli ispaniyalik yarim himoyachiga ayni paytda “Yuventus”, PSJ, “Manchester Siti” va “Manchester Yunayted”dan taklif bo'lmoqda. Hozircha, Niges o'ziga mos jamoa tanlashi kerak bo'ladi.

Ta'kidlash joizki,  Saul Niges uchun mavsum muvaffaqiyatli o'tganiga qaramay, u Ispaniya terma jamoasining Evropa chempionatida qatnashadigan tarkibiga kiritilmadi. Xorij chempionatida to'p surishi uning terma jamoadan joy olishini ta'minlashi kutilmoqda.