Boatengga Frantsiya klubi qiziqish bildirmoqda

"Bavariya" himoyachisi Jerom Boateng Frantsiya chempionatida faoliyatini davom ettirishi mumkin. Jurnalist Niko Skirning so'zlariga ko'ra, "Monako" 32 yoshli nemis bilan ikki yillik shartnoma imzolamoqchi. Boateng shu yilning yozida "Bavariya" bilan shartnomasini yakunlaydi, shu sababli u yangi jamoaga tekinga qo'shilishi mumkin.

Ilgari, futbolchi "Monako" ustozi Niko Kovach bilan ishlagan. Boateng ushbu mavsumda barcha musobaqalarda 39 uchrashuvda 2 ta gol va 1 ta golli pasni amalga oshirdi. Eslatib o'tamiz, oldinroq "PSJ", "Tottenxem", "Latsio", "Roma", "Barselona" va "Chelsi"dan nemis himoyachisiga qiziqish borligi haqida xabar berilgan edi.