"Barselona" himoyachisi APL kklubiga o'tishi mumkin

Himoyachi Xunior Firpo "Barcelona"dan ketishi mumkin. Bu haqda Diario Sport nashri xabar tarqatmoqda.

Yuqoridagi manbaning xabariga ko'ra, 24 yoshli futbolchiga APLning bir qator klublari qiziqish bildirmoqda. Aniqrog'i, "Vest Xem" va "Sautgempton" klublari bir necha kundan beri kataloniyaliklar bilan bu borada muzokara o'tkazishga urinmoqda.

"Barsa" Firponi bonuslardan tashqari 16 million evroga sotmoqchi. Potentsial xaridorlar bu pulni to'lashga rozi. Shu bois yakuniy qarorni himoyachining o'zi qabul qiladi.

Firpo “Barselona” safiga 2019 yilda “Betis”dan ko'chib o'tgan. U o'tgan davr mobaynida kataloniyaliklar tarkibida 22 ta o'yinda maydonga tushdi va 2 ta gol urdi.