MYu Keyn va Sanchodan birini tanlaydi. Sulsherning qarori ma'lum

"Manchester Yunayted" yozgi transfer oynasida hujum chizig'ini kuchaytirmoqchi.

Daily Mail xabariga ko'ra, ingliz klubi "Tottenxem" hujumchisi Harri Keynni taklif qilish o'rniga, Dortmundning "Borussiya" klubi yarim himoyachisi Jeydon Sancho bilan shartnoma imzolashni afzal ko'rmoqda.

Angliyalik hujumchi "Manchester Yunayted" bosh murabbiyi Ole-Gunnar Sulsherning rejalarida emas. Yaqinda klub hujumchi Edinson Kavani bilan shartnomasini yangilaganini hisobga olsak, "Manchester Yunayted" Keynni qimmatga sotib olishini zarur deb hisoblamayapti. Hujumning o'ng qanotida o'ynaydigan Sancho transferi birinchi o'ringa qo'yilgan.

Sulsher "Manchester Yunayted" rahbarlariga Sancho, Kavani, Meyson Grinvud, Markus Reshford va Antoni Marsyal jamoaga kelasi mavsum sovrinlar uchun kurashish imkoniyatini berishini aytdi.

Dortmundliklar Sancho uchun qariyb 90 million evro xohlayotgani haqida xabar berilgandi.