Suares ortidan "Barsa"ning yana bir futbolchisi "Atletiko"ga o'tishi mumkin

Himoyachi Jordi Alba "Barselona"dan ketishi mumkin. 32 yoshli ispaniyalik futbolchiga Madridning "Atletiko" klubi tomonidan taklif bor. Bu haqda "AS" nashri xabar bermoqda. Manbaga ko'ra, madridliklar chap qanot himoyachisini qidirmoqdalar va Albani yaxshi variant deb bilishadi. Futbolchining amaldagi shartnomasi 2024-yilgacha amal qiladi.

Ispaniya chempionatining so'nggi mavsumida Alba 35 ta uchrashuv o'tkazib, 3 ta gol urdi. Alba "Barselona"da 2012-yildan beri o'ynab kelmoqda. U jamoa bilan birgalikda besh marta mamlakat chempionligi va Ispaniya kubogini qo'lga kiritdi, Chempionlar Ligasi va UEFA Superkubogi g'olibiga aylandi. Transfermarkt portali futbolchini 25 million evroga baholamoqda.