Sulsher De Xeadan norozi. Unga boshqa darvozabon kerak

“Manchester Yunayted”ning keyingi yillardagi eng nozik nuqtasi darvoza chizig'i bo'lib turibdi. Uzoq yillardan beri ishonchli o'yin namoyish qilib kelgan David de Xeaning o'yinida keskin pasayish davom etmoqda.

Din Xendersonga tajriba etishmayapti va u ham muhim pallalarda xatoga yo'l qo'ymoqda. Shu bois, Ulu-Gunnar Sulsher darvozani “Milan”dan ketgan Janluiji Donnarummaga topshirishni rejalashtirmoqda.

Hozir erkin agent bo'lib turgan italiyalik posbonga Evropaning bir qator grandlari shartnoma taklif qilmoqda.

“Manchester Yunayted” rahbariyati katta tajribaga ega 22 yoshli darvozabonga uzoq muddatli shartnoma va yiliga 10 million evro taqdim qilmoqchi. Bundan tashqari, inglizlar futbolchining agenti Mino Rayolaga 20 million evro miqdorida gonorar to'lashga rozi.

Donnarumma yakunlangan mavsumda A Seriyada 37 ta uchrashuvda maydonga tushib, shulardan 13 tasida o'z darvozasi daxlsizligini saqlab qoldi.