"Ayaks" "Tottenxem" futbolchisini o'z tarkibiga qo'shib olmoqchi

"Ayaks" "Tottenxem" vingeri Stiven Bergveynga qiziqish bildirmoqda. Gollandiyalik futbolchi Angliyada yomon mavsum o'tkazdi. Garchi u Evropa futbolida o'sib borayotgan yulduz sifatida APLga o'tgan bo'lsa ham 23 yoshli Bergveyn zahira futbolchisi bo'lib qoldi.

Niderlandiya nashrlarining xabariga ko'ra, "Tottenxem" futbolchi uchun 25 million evro olmoqchi. "Ayaks" hozircha atigi 15 million taklif qilmoqda, ammo tomonlar murosaga kelishlari mumkin. Ma'lumot uchun, Bergveyn "Tottenxem"ga 2020-yilda "PSV"dan ko'chib o'tgan edi.