"PSJ" Xakimi uchun "Inter"ga qancha to'lamoqchiligi ma'lum

"PSJ" "Inter" himoyachisi Ashraf Hakimini o'z safiga qo'shib olishga tayyor, deya xabar beradi La Gazzetta dello Sport nashri. Manbaning xabariga ko'ra, Parij klubi 22 yoshli marokashlik futbolchi uchun 60 million evro to'lashga tayyor. Endi tomonlar bitimning so'nggi bosqichlarini hal qilishlari kerak.

Hakimiga shuningdek, "Bavariya" ham qiziqib qolgan. Myunxen klubi yangi murabbiy Yulian Nagelsmann kelishi oldidan jamoani kuchaytirish uchun futbolchi sotib olishni maqsad qilgan. O'tgan mavsum Ashraf A Seriyada 37 o'yin o'tkazib, 7 gol va 8 golli uzatmaga mualiflik qildi.