"Real" Holandni sotib olish fikridan qaytmagan

"Real Madrid" Dortmundning "Borussiya" klubi hujumchisi Erling Holandni 2022-yilda sotib olishga harakat qiladi. Bu haqda Ispaniya OAV xabar bermoqda.

Manbaning xabariga ko'ra, kelasi yili "Real" Holandning agenti Mino Rayola bilan yaxshi munosabatlar tufayli muzokaralarda ustunlikka ega bo'ladi.

Eslatib o'tamiz, avvalroq "Real Madrid" ushbu yozda Holandni sotib olishga harakat qiladi deb ishonilgan edi, ammo "Borussiya" rahbariyati norvegiyalikni sotish niyati yo'qligini ma'lum qilgan edi.