Messi Pepening «Barselona»ga o'tishiga yo'l qo'ymaydi

«Barselona» hujumchisi Lionel Messi klub rahbariyatidan markaziy himoyachi Pepe bilan shartnoma imzolamaslikni so'radi. Bu haqda Don Balon xabar tarqatdi.

Portugaliyalik futbolchi bir necha kun avval «Beshiktosh» bilan shartnomani bekor qilib, erkin agentga aylangandi. 35 yoshli futbolchi avval "Real"da o'ynagani sababli Messi uning "Barsa"ga kelishiga o'z qarshiligini bildirdi. Eslatib o'tamiz, Pepe 2007-2017 yillar davomida "Qirollik klubi" sharafini himoya qilgan.

Himoyachi ushbu mavsumda barcha musobaqalar doirasida «Beshiktosh» safida 17ta o'yinda maydonga tushib, o'z hisobiga 5ta gol yozdi va ikkita golga uzatma berdi.