"Milan" "Lill" darvozaboniga qiziqish bildirmoqda

«Lill» jamoasi safida Frantsiya chempioniga aylangan Mayk Menyan tez orada A Seriyada faoliyat boshlashi kutilmoqda.

Sky Sports Italia’ning xabar berishicha, 25 yoshli frantsiyalik posbon yangi mavsum oldidan «Milan» futbolchisiga aylanadi. Italiya klubi Menyan transferi uchun «Lill» klubiga 15 million evro to'lashi kutilmoqda. Mayk bugun Milanga kelib, tibbiy ko'rikdan o'tishi rejalashtirilgan.

Avvalroq, Janluidji Donnarummaning «rossonerlar»ni erkin agent sifatida tark etishi xabar berilgandi.

Ma'lumot uchun, Menyan Liga 1 joriy mavsumida 21 o'yinda o'z darvozasi daxlsizligini saqlab qolgan.