Manba: Donnarumma «Milan»ni tark etadi

"Milan" darvozaboni Janluidji Donnarumma yaqin orada klubni tark etadi. Uning "rossoneri" bilan shartnomasi bir oydan so'ng yakuniga etadi.

Italiyalik jurnalist Nikolo Skira xabar tarqatishicha, "Yuventus" 22 yoshli futbolchi bilan shartnoma imzolashga tayyor. Turinliklar Donnarumma uchun yillik maoshi 10 million evroga teng besh yillik shartnoma tayyorlab qo'yishdi.

"Milan" esa mavsum davomida posbon bilan shartnomani uzaytirishga harakat qildi, ammo tomonlar bir to'xtamga kela olishmadi. Bunda 20 million evro miqdorida ulush talab qilgan Donnarummaning agenti Mino Rayola muhim rol o'ynadi.

Janluidji mavsum-2020/21da barcha musobaqalar doirasida 48ta uchrashuvda maydonga tushib, 54ta gol o'tkazib yubordi. U 15ta o'yinda darvoza daxlsizligini saqlab qoldi.