Messining otasi va akasi futbolchini «PSJ»ga o'tishga ko'ndirmoqda

Lionel Messining yaqin qarindoshlari futbolchini «Barselona»dan «PSJ»ga o'tishga ko'ndirishga harakat qilishmoqda.

"Le Parisien" xabar tarqatishicha, argentinalik futbolchi vaziyatni otasi Xorxe Messi va akalaridan biri bilan muhokama qilmoqda. Ular esa Messiga «Pari Sen-Jermen»ga ko'chib o'tishni maslahat berishmoqda.

Parijliklar futbolchiga hozirgiga nisbatan kamroq maosh to'laydi, ammo bu summa "Barsa" taklif qilayotgan maoshdan ko'proqni tashkil qiladi. Shuningdek, "PSJ" Messiga shartnoma imzolagani uchun "ko'tarma" pul ham taklif qilishga tayyor.

Leo «Barselona»da qolishni istaydi, ammo uning klubga bo'lgan ishonchi yo'qoldi. Kataloniyaliklar joriy mavsumda faqat Ispaniya kubogi sovrini bilan cheklanishdi. Messi esa sovrinlar uchun kurash olib borishga qodir klubda o'ynashni istamoqda.