Yozda "Real"ni tark etishi mumkin bo'lgan 10 nafar futbolchi nomi ma'lum

Madridning «Real» klubi yozgi transferlar oynasida bir qator futbolchilarni transferga qo'ymoqchi. Florentino Peres jamoaga o'zgarish kerakligiga amin va Chempionlar Ligasi yarim finalidan chiqarib yuborilgandan so'ng, u bu fikrni kuchaytirdi. Bir necha oydan beri transferlar, asosiy pozitsiyalarni o'zgartirish, shuningdek, futbolchilarni sotish bo'yicha ishlar olib borilmoqda, ularning yordamida ish haqi byudjetini qisqartirish va jiddiy xaridlarga tayyorgarlik ko'rish mumkin. Madrid klubida transfer qilinishi mumkin bo'lgan 10 nafar futbolchi mavjud.

Eden Azar (30 yosh)

Belgiyalikning transferi klub tarixidagi eng qimmat xarid edi, ammo ikki mavsum Madriddagi faoliyatidan so'ng u ketishi mumkin. "Real" uni cheksiz jarohatlar davrida qo'llab-quvvatladi, ammo Eden maydonga qaytgach, uning o'yinlari umidlarni oqlamadi va muddat tugadi. Bundan tashqari, madridliklar Chempionlar Ligasini tark etganidan keyin futbolchining xatti-harakatidan g'azab otiga mindi. Endi Azar 33,1 million evroga baholanmoqda va agar madridliklar yaxshi taklif olishsa, uni qo'yib yuborishi mumkin.

Rafael Varan (28 yosh)

Varanda «Madrid» klubida ko'proq pul ishlashga umid qilmoqda. Uning xizmatiga ko'plab Evropa gigantlari qiziqish bildirmoqda va frantsuz o'zini boshqa chempionatda sinab ko'rish imkoniyatiga ijobiy qaraydi. «Manchester Yunayted», «Chelsi» va «PSJ» 70 million evroga baholanayotgan futbolchi uchun kurash olib borishmoqda.

Garet Beyl (31)

«Real» uelslik futbolchiga umid bog'lamayapti, klub iloji bo'lsa uni sotmoqchi yoki uni ijaraga qaytarib bermoqchi, ammo Garet so'nggi paytlarda Premer-Ligada yaxshi o'yin namoyish etmoqda, shu sababli klub hamon bundan pul ishlashga umid qilmoqda. Beyl 10,7 million evroga baholanmoqda.

Marko Asensio (25 yosh)

Asensioning ishi alohida. Madridliklar keyingi mavsumda unga umid bog'lashmoqda, ammo klub Markoga Evropa gigantlari katta qiziqish bildirishini ham tushunmoqda va agar futbolchining o'zi rozi bo'lsa, uni sotish haqida o'ylamoqda. «Yuventus» da'vogarlari orasida yaqqol favorit. Italiyaliklar Asensioga ancha vaqtdan buyon qiziqish bildirmoqda. Futbolchining narxi 41,9 million evroga baholanmoqda.

Luka Yovich (23 yosh)

Serbning transferi madridliklar rahbariyatining umidlarini oqlamadi. Ushbu mavsumda klub uni «Ayntraxt»ga ijaraga berdi, ammo Luka u erda ham o'zini ko'rsata olmadi. Madridliklar uni yozda sotishni va ikki yil avval transferga qo'yilgan mablag'larning bir qismini qaytarishni rejalashtirmoqda. Endi Yovchning narxi 25,9 million evroga baholanmoqda.

Isko (29 yosh)

Iskoning Madridga safari yakuniga etdi. Katta ehtimol bilan futbolchi «Sevilya»da faoliyatini tugatadi. Xulian Lopetegiga uning o'yinlari yoqadi. U terma jamoani ham, "Real"ni ham boshqargan payti, Isko o'zining eng yaxshi futbolini namoyish etgan. Ayni damda Iskoning narxi 11,6 million evroga baholanmoqda.

Marselo (32 yosh)

Braziliyalik futbolchining klub bilan shartnomasi 2022 yil yozida tugaydi. Shu sababli, madridliklar yozda uni sotib yuborishni niyat qilgan. Klub Marseloning jamoada qolishini Migel Guterresning rivojlanishiga xalaqit berishi mumkin deb hisoblamoqda. 33 yoshli himoyachi 5.4 million evroga baholanmoqda.

Dani Cebalos (24 yosh)

Madridliklar La Ligaga qaytishni istagan Cebalosning o'yinlarini diqqat bilan kuzatmoqdalar, ammo endi ijara haqida gap bo'lishi mumkin emas, faqat sotish. Madridliklar bu imkoniyatdan qochmaydi, garchi ular Cebalos kelajakda klubning asosiy o'yinchisiga aylanishi mumkinligiga ishonishsa ham. 25 yoshli yarim himoyachi 30 million evroga baholanmoqda.

Mariano Dias (27 yosh)

Madridliklar uni o'tgan mavsumda sotmoqchi edi, ammo futbolchining katta maoshi (4 million evro) muammoga aylandi. Mariano Lionga qaytishi mumkin, u erda futbolchi ajoyib mavsumlar o'tkazgan. Uning transfer qiymati 6,4 million evroni tashkil etadi.

Borxa Mayoral (24 yosh)

Borxa bu ro'yxatdagi kelajagi Madridga bog'liq bo'lgan yagona futbolchi. Zidan unga umid bog'lamoqda, ammo jamoadagi hujumchilarning yuqori raqobati Borxani saqlab qolishga imkon bermaydi. Futbolchi «Roma»da ikki mavsumni ijarada o'tkazmoqda. Italiyaliklar uni bu yozda 15 million evroga va keyingi yozda 20 million evroga sotib olish huquqiga ega. Ushbu miqdor uning asl qiymatdan pastroq hisoblanadi. Mayoralning transfer bahosi 25,8 million evroni tashkil etadi.