Rasman. Sardor Azmun «Zenit»ga o'tdi

Eronlik futbolchi Sardor Azmun «Rubin»dan «Zenit»ga o'tdi. Tuzilgan shartnomaga ko'ra, hujumchi 3,5 yil davomida Sankt-Peterburg jamoasida faoliyat olib boradi.

Azmun Rossiya chempionatidagi besh yarim yillik faoliyati davomida 154ta o'yinda maydonga tushib, 42ta gol urishga muvaffaq bo'ldi. U 2015-2016 yilgi mavsumni ijara asosida "Rostov" safida o'tkazib, Rossiya chempionatining kumush medaliga sazovor bo'ldi.