«Yuventus» Donnarumma uchun yiliga 10 million evrodan ko'proq pul to'lashga tayyor

«Yuventus» klubi «Milan» darvozaboni Janluiji Donnarummaga turinliklar safiga qo'shilsa, yiliga 10 million evrodan ko'proq maosh to'lashga tayyor, deb xabar bermoqda Corriere dello Sport.

Futbolchining agenti Rayola va uning o'zi hanuzgacha “Milan” bilan yangi shartnoma borasida kelisha olmayapti. Klub futbolchiga yiliga 8 million evrodan ortiq maosh berishga tayyor emas, futbolchi tomoni esa 12 million evro talab qilmoqda. Agarda tomonlar kelishuvgaerisha olmasa, «Yuventus» Janluijini sotib olishga harakat qiladi.

Ma'lumot uchun, Donnarumma «Milan» da 2015 yildan beri o'ynab kelmoqda. Joriy mavsumda darvozabon Italiya A Seriyasida 31ta o'yinda maydonga tushib, 35ta gol o'tkazib yubordi. “Milan” esa turnir jadvalida ikkinchi o'rinda bormoqda. Transfermarkt internet-portali futbolchining transfer narxini 60 million evroga baholamoqda.

Manba: interfutbol.uz