"Manchester Siti" yosh futbolchi bilan shartnoma imzoladi

"Manchester Siti" klubi «Fluminense» jamoasi futbolchisi Kayki da Silvaning transferini e'lon qildi.

17 yoshli futbolchi mavsum yakuniga qadar Braziliyada qoladi. Ushbu transfer "shaharliklar"ga 12 million evroga yaqin summaga tushishi mumkin. Shuningdek, u Manchester klubi bilan 5 yillik shartnoma imzolaydi.

Braziliyalik vinger ushbu mavsum umumiy 9 ta o'yinda maydonga tushib, o'z hisobiga 2 ta gol va 1 ta assist yozdirib qo'ydi.