Ronaldu «MYu»ga o'tish uchun maoshining kamayishiga qarshi emas

"Yuventus" hujumchisi Krishtianu Ronaldu yozgi transfer paytida "Manchester Yunayted"ga o'tish imkoniyatini ko'rib chiqmoqda.

"Football Italia" tarqatgan xabarga ko'ra, portugaliyalik futbolchi "qizil iblislar" safiga qaytish uchun maoshining kamayishiga rozi.

Hozirda Krishtianuning "keksa sinora" safidagi yillik maoshi 31 million evroga teng. "Old Trafford"ga ko'chib o'tish uchun esa 20 million evroga ham rozi bo'lib turibdi.

Eslatib o'tamiz, 36 yoshli futbolchi 2003-2009 yillarda "MYu" sharafini himoya qilgan. Joriy mavsumda u "Yuventus" safida 38ta uchrashuvda maydonga tushib, 32ta gol urdi va 4ta golga uzatma berdi.