«Barselona» Todibo transferini e'lon qildi

“Tuluza” himoyachisi Jan-Kler Todibo “Barselona”ga o'tdi. Bu haqda klub rasmiy sayti xabar tarqatdi.

Futbolchining transfer narxi oshkor qilinmadi. Todibo kataloniyaliklar bilan 2023 yilgacha shartnoma imzoladi.

Avvalroq, Todibo “Barselona”ga yozda erkin agent sifatida kelib qo'shilishi to'g'risida xabarlar tarqalgan edi. Biroq kataloniliklar futbolchini sotib olishga qaror qilishdi.

Eslatib o'tamiz, 19 yoshli Todibo “Tuluza” klubi tarbiyalanuvchisi hisoblanadi.