"Atletiko" hujumchisi safdan chiqdi

"Atletiko" klubining tajribali futbolchisi Luis Suares bugungi mashg'ulotlarni muddatidan oldin yakunladi.

Marca nashrining xabar berishicha, 33 yoshli hujumchi  bugungi mashg'ulotni mushaklaridagi noqulaylik tufayli tark etgan. Uning qancha muddatga safdan chiqqani esa hozircha noma'lum.

Eslatib o'tamiz, urugvaylik futbolchi ushbu mavsum La Ligada 26 o'yin o'tkazib, o'z hisobiga 19 ta gol va 2 ta assistni yozdirib qo'ydi.