Keskin burilish! "Barselona" Veynaldum transferidan voz kechishi mumkin

Yozda erkin agentga aylanishi kutilayotgan "Liverpul" yarim himoyachisi Jorjino Veynaldumning "Barselona"ga o'tishi haqida xabarlar tarqalayotgan edi. Ammo, "ko'k-anorranglilar" murabbiylar shtabi va klub prezidenti bu transferdan voz kechish haqida o'ylamoqda.

Joan Laporta La Masiya futbolchilariga imkon berishni xohlaydi va ularning o'sishi uchun sharoit yaratib berish niyatida. Xususan, klub yosh iqtidor egasi Ilaysh Moribani asosiy jamoa futbolchisiga aylantirmoqchi va shu sabab niderlandiyalik futbolchining transferi amalga oshmasligi mumkin.

Eslatib o'tamiz, 18 yoshli Moriba yanvar oyidan beri asosiy jamoaning 5 o'yinida maydonga tushib, 1 ta gol va 2 ta assistni o'z hisobiga yozdirib qo'ydi.