«PSJ» Mbappening narxini arzonlashtirishga tayyor

«Pari Sen-Jermen» klubi yozda hujumchi Kilian Mbappeni sotib yuborishi mumkin.

"Le Parisien" tarqatgan xabarga ko'ra, parijliklar futbolchi bepul yo'qotishdan qo'rqishmoqda. Tomonlar hozircha yangi shartnoma borasida kelishuvga erishishmadi. Shu bois, jamoa uni yozda 120-150 million evroga sotishga tayyor. Mbappening amaldagi shartnomasi 2022 yilning yozida yakuniga etadi.

Mbappe joriy mavsumda barcha musobaqalar doirasida 36ta o'yinda ishtirok etib, 30ta gol urdi va 9ta golga uzatma berdi.