«Borussiya» Xolandning transfer narxini oshirdi

Dortmundning "Borussiya" klubi hujumchi Erling Xolandning narxini oshirishga qaror qildi.

"ESPN" tarqatgan xabarga ko'ra, dortmundiklar 2021 yilning yozida norvegiyalik futbolchi uchun da'vogar jamoalardan kamida 180 million evro so'rashmoqchi.

Germaniyaliklar ushbu narx asosiy xaridorlar — "Manchester Yunayted", "Manchester Siti", "Chelsi", "Bavariya", "Real" va "Barselona"ni cho'chitib yuborishiga umid qilmoqda.

Xolandning "Borussiya" bilan tuzilgan shartnomasida, 2022 yilning yozida boshqa jamoalar futbolchini 75 million evroga sotib olishi mumkinligi haqida band kiritilgan.

Xoland 2020 yilning yanvar oyidan buyon dortmundliklar sharafini himoya qilib kelmoqda. Bu vaqt davomida u 49ta bahsdan maydonga tushib, 49ta gol urdi va 11ta uzatmani amalga oshirdi.