"Liverpul" va "Yuventus" hujumchilar rokirovkasini amalga oshirmoqchi

"Liverpul" klubi "Yuventus" vingeri Paulo Dibalani o'z safiga qo'shib olishi mumkin.

"Keksa senora" Argentinalik futbolchi bilan shartnomani uzaytirish niyatida emas va uning transferidan 60 million evro miqdorda pul ishlab topmoqchi.

Mersisayd klubi 27 yoshli futbolchini transfer narxini 15-20 million evroga tushirib, evaziga o'z hujumchisi Divok Origini bermoqchi.

Eslatib o'tamiz, Dibala bu mavsumda 21 o'yinda maydonga tushib, 6 ta gol va 2 ta assistni o'z hisobiga yozdirib qo'ydi.