Grizmann va Koutinoning "Barsa dagi kelajagi so'roq ostida, sababi...

"Barselona" yozgi transferlar vaqtida katta o'zgarishlarni amalga oshirishi mumkin. "Barsa"ning yangi prezidenti Joan Laporta "Borussiya" forvardi Erling Holand, "Bavariya" himoyachisi David Alaba, "Lion" hujumchisi Memfis Depay va "Manchester Siti" futbolchilari Erik Garsiya va Serxio Agueroni o'z safiga qo'shib olmoqchi bo'lganligi sababli klub bir nechta o'yinchilardan voz kechmoqchi.

Ushbu rejalar fonida hujumchi Antuan Grizmann va yarim himoyachi Filippe Koutinoning "Barselona"dagi kelajagi so'roq ostida. Yangi kelganlarni imzolash uchun klub sotuvlardan pul ishlab olishi kerak. Grizmann Kataloniya klubida 2019 - yildan, Koutino esa 2018 - yildan buyon o'ynab kelmoqda.

Ushbu mavsumda frantsuz futbolchisi La Ligada 24 o'yin o'tkazgan bo'lib, 6 gol urishga erishgan va 6ta golli uzatma berdi. Braziliyalik futbolchi endi jarohatini tiklamoqda. U joriy mavsum Ispaniya chempionatining 12 o'yinida qatnashgan va 2 ta gol urgan.