Xuan Mataga Italiya grandlari qiziqish bildirishmoqda

«Manchester Yunayted» yarim himoyachisi Xuan Mata faoliyatini Italiyada davom ettirishi mumkin.

"The Sun" tarqatgan xabarga ko'ra, 32 yoshli futbolchiga «Yuventus», «Roma» va «Inter» klublari qiziqish bildirishmoqda.

Ispaniyalik futbolchining «MYu» bilan shartnomasi 2021 yilning yozida yakuniga etadi. Klub uni yana bir yilga uzaytirish huquqiga ega. Mataning o'zi muntazam o'yin amaliyotiga ega bo'lishni istamoqda.

Mata 2014 yilning yanvar oyida 45 million evro evaziga «Chelsi»dan «Yunayted»ga o'tgan edi. Joriy mavsumda u 12ta uchrashuvda maydonga tushib, 2ta gol urdi va 3ta golga uzatma berdi.