«PSJ» bugun Villian bilan shartnoma imzolashi mumkin

«Chelsi» yarim himoyachisi Villianga «PSJ» klubi qiziqish bildirmoqda. Parijliklar bugun, 31 yanvar kuni — qishki transferning so'nggi kunida 30 yoshli braziliyalik futbolchi bilan shartnoma imzolashmoqchi.

Klub rahbariyati jarohat tufayli 10 haftaga safdan chiqqan Neymarning o'rniga "Chelsi" futbolchisini jamoaga olib kelmoqchi.

Avvalroq «Chelsi» Villianni «Barselona»ga sotishdan bosh tortgandi.

Faktlar:
— Villian 2013 yilda 35,5 million evro evaziga «Anji»dan «Chelsi» safiga o'tgandi.
— Uning londonliklar bilan shartnomasi 2020 yilning yoziga qadar amalda bo'ladi.
— Villian ushbu mavsumda APL doirasida 23ta o'yinda maydonga tushib, 3ta gol urdi va 4ta golga assistentlik qildi.