O'zil «PSJ»ga o'tishdan bosh tortdi

"Arsenal" yarim himoyachisi Mesut O'zil ijara asosida boshqa jamoaga o'tishni istamayapti. Neymar jarohat olganidan keyin parijliklar hujum chizig'ini kuchaytirish haqida bosh qotira boshlashdi.

Bu maqsad yo'lida ular "Arsenal"ning germaniyalik futbolchisini ijaraga olishni ko'zlagandi. Ammo O'zil bu taklifga rad javobini berdi.

Eslatib o'tamiz, avvalroq "Arsenal" O'zilni "PSJ" yarim himoyachisi Adrien Raboga almashtirishni taklif qilgandi.

Mesut ushbu mavsumda barcha musobaqalar doirasida "Arsenal" safida 18ta o'yinda maydonga tushib, 4ta gol urdi va ikkita golga assistentlik qildi.