Todibo yanvar oyidayoq «Barselona» safiga qo'shilishi mumkin

«Tuluza» klubi markaziy himoyachisi Jan-Kler Todibo qishki transfer paytida «Barselona» safiga qo'shilishi mumkin. Kataloniyaliklar yanvar oyi boshida 19 yoshli futbolchi bilan shartnoma imzolanganini e'lon qilib, u mavsum so'ngida jamoaga qo'shilishi haqida xabar tarqatgandi.

Todiboning frantsiyaliklar bilan shartnomasi ushbu mavsum oxirida yakunlanadi. Ammo "ko'k-anorranglilar" ozgina kompensatsiya mablag'ini to'lab, uni hozir jamoaga olib kelishni ko'zlamoqda.

«Tuluza» esa himoyachini o'yinlar va mashg'ulotlardan chetlatdi. Todibo klubning U19 jamoasida shug'ullanmoqda.

«Barselona» Todiboning o'yin amaliyotidan mahrum bo'lishini va o'sishdan to'xtab qolishini istamayapti. O'yinchining o'zi ham yanvar oyida«Tuluza»ni tark etishni istamoqda.