«Inter» «Roma»ning o'zaro futbolchi almashish haqidagi taklifiga rad javobini berdi

«Inter» rahbariyati «Roma» tomonidan berilgan o'zaro o'yinchi almashish haqidagi taklifini qabul qilmadi. Bu haqda Football Italia xabar tarqatdi.

Rimliklar bosh murabbiy bilan mojaroga borgan hujumchi Edin Jekoni Milanga yuborib, evaziga yarim himoyachi Kristian Eriksenni qo'lga kiritishmoqchi edi.

Bu taklif «Inter»ga ma'qul kelmadi. Birinchidan, «neradzurri» rahbariyati 34 yoshli futbolchi bilan shartnoma imzolash jamoa uchun manfaatli bo'lishiga ishonmadi. Ikkinchidan, bosniyalik futbolchining maoshi Eriksenniki bilan bir xil bo'lib, milanliklar maoshlar bilan xarajatlarni qisqartirishmoqchi.

Manba: footballhd.ru