2020 yilda transferlar uchun eng xarajat qilgan va eng ko'p daromad olgan mamlakatlar ma'lum bo'ldi

FIFA 2020 yilda klublar transferlar uchun sarflagan mablag' hamda undan olingan daromad haqidagi hisobotni taqdim etdi.

Unga ko'ra, Angliya klublari xarajatlar bo'yicha etakchi bo'lishgan. Ularning transferlar uchun xarajatlari 1,627 mlrd dollarga teng bo'lgan. Ikkinchi pog'onani esa Italiya jamoalari egallashgan — 731,6 mln. Ispaniya klublari kuchli uchlikka kirishgan — 607,1 mln dollar.

Ammo, e'lon qilingan hisobotda aytilishicha, aynan Ispaniya futbolchi sotish orqali eng ko'p daromad olishgan — 785,7 mln dollar. Bu ko'rsatkich bo'yicha italiyaliklar ikkinchi o'rinni egallashgan bo'lsa (582,6 mln), Portugaliya kuchli uchlikka kirgan (487,9 mln dollar).