«Bavariya» hujumchisi Xitoy klubiga o'tdi

Myunxenning "Bavariya" klubi  hujumchi Sandro Vagner Xitoyning "Tyanjin Teda" klubiga o'tdi. Bu haqda har ikki klub rasmiy sayti xabar berdi.

31 yoshli futbolchi ushbu mavsum myunxenliklarning 11ta o'yinida maydonga tushdi. U klub safiga 2017 yilda "Hoffenhaym"dan kelib qo'shilgan va 4 yillik shartnoma imzolagan edi.

Tasdiqlanmagan ma'lumotlarga ko'ra, xitoyliklar Vagner uchun 5 mln evro to'lashmoqda. Unga yangi klubida 2 yil mobaynida 15 mln evro maosh to'lanadi.