Pogba «PSJ»ga o'tishi mumkin

«Manchester Yunayted» yarim himoyachisi Pol Pogba «PSJ»ning yangi bosh murabbiyi Maurisio Pochettino uchun yozgi transfer paytida bosh maqsadga aylanadi. Bu haqda "Daily Star" xabar tarqatdi.

Argentinalik mutaxassisning fikricha, 27 yoshli futbolchi yangi jamoani tuzishda ideal o'yinchi hisoblanadi. Pogba uchun kurashda «PSJ»ga «Real» va «Yuventus» klublari raqobat ko'rsatishadi.

Avvalroq Pochettino «Manchester Siti» hujumchisi Serxio Agueroga ko'z tikayotgani haqida xabar tarqatilgan edi.

Pogba mavsum-2020/21da «MYu» safida barcha musobaqalar doirasida 21ta uchrashuvda maydonga tushib, 2ta gol urdi va 3ta golga uzatma berdi. Uning mankunianliklar bilan shartnomasi 2022 yilning yoziga qadar tuzilgan.