«Manchester Siti» Xarri Keyn uchun 100 mln evro to'lashga tayyor

«Manchester Siti» klubi yozgi transfer paytida «Tottenxem» forvardi Xarri Keynni qo'lga kiritishga urinib ko'radi. Bu haqda "Bild" nashri xabar tarqatdi.

Nemis nashriga ko'ra, "shaharliklar" Angliya terma jamoasi futbolchisi uchun 100 mln. evro to'lashga tayyor.

Keyn «Tottenxem Xotspur» akademiyasi tarbiyalanuvchisi hisoblanadi. U 2011 yildan buyon "shporlar"ning asosiy jamoasida to'p tepib keladi. Xarri Angliya terma jamoasi safida 49ta o'yinda maydonga tushib, 32ta gol urgan.

27 yoshli futbolchi «Tottenxem» safida APLning joriy mavsumida 15ta bahsda ishtirok etib, 9ta gol urdi va 10ta golga uzatma berdi.