Manba: Mourino Ramosni qo'lga kiritmoqchi

"Tottenxem" bosh murabbiyi Joze Mourino jamoaning himoya chizig'ini kuchaytirishni ko'zlamoqda. Bu haqda "Evening Standard" xabar tarqatdi.

Manbaga ko'ra, portugaliyalik mutaxassis "Real" himoyachisi Serxio Ramosni o'z jamoasida ko'rishni istamoqda. Eslatib o'tamiz, ispaniyalik futbolchi 2021 yilning yozida erkin agentga aylanadi.

Ma'lumot o'rnida. Ramos va Mourino 2010-2013 yillarda "Real" safida birga faoliyati olib borishgan.

"Shporlar" joriy mavsumda APLning 15-turidan so'ng 26 ochko bilan 7-pog'onani egallab turishibdi. Jamoa etakchi "Liverpul"dan 6 ball ortda qolmoqda.