David Alaba uchun kurashda etakchi klub nomi ma'lum bo'ldi

"Bavariya" himoyachisi David Alaba uchun kurashda Madridning "Real" klubi etakchi sifatida tilga olinmoqda. Bu haqda "The Athletic" xabar tarqatdi.

Manbaga ko'ra, avstriyalik futbolchini qo'lga kiritish uchun "qaymoqranglilar"nig imkoniyati boshqa klublarga nisbatan yuqori baholanmoqda.

"Real" 2021 yilning yoziga qadar kutib, universal futbolchi bilan erkin agent sifatida shartnoma imzolamoqchi. Ma'lumotlarga qaraganda, maosh borasida tomonlar kelishuvga erishishgan.

28 yoshli Alaba joriy mavsumda "Bavariya" safida 18ta o'yinda maydonga tushib, bitta gol urdi va bitta golga uzatma berdi.

Avvalroq Alabaning agenti futbolchi «Real», «Barselona», «MYu», «Manchester Siti» va «Chelsi» klublaridan biriga o'tishi mumkinligi haqida ma'lumot tarqatgan edi.