Mbappe «Bavariya»ga o'tadimi? Rummenigge javob berdi

«Bavariya» boshqaruv kengashi raisi Karl-Xaynts Rummenigge jamoa qishki transfer paytida yangi futbolchi bilan shartnoma imzolamasligini ma'lum qildi.

«Transferlarni amalga oshirmaymiz. 8 martdan buyon stadionimizga birorta ham muxlis kirmadi. Mavsum oxirigacha ham tomoshabinlarning kirishiga ruxsat berilmasa kerak. Biz moliyaviy ahvolimizni inobatga olishimiz kerak. Lekin biz o'yinchilarimizni qo'yib yuborishni istamayman.

Alaba? «Bavariya» u bilan shartnomani uzaytirish uchun qo'lidan kelgan barcha ishni qildi. Inqirozga qaramay, biz unga yaxshi taklif berdik. So'nggi muzokaralar oktyabr oyida olib borildi, ammo o'yinchi taklifimizni qabul qilmadi. Yana yangi muzokaralarga kirishiladimi yoki yo'qmi, bilmadim.

Mbappe? «Bavariya» bunday transferga qodir emas. Moliyaviy ahvolimiz bunga imkon bermaydi», — dedi Rummenigge.