«Chelsi» sardori Londonning boshqa bir klubiga o'tishi mumkin

Londonning “Chelsi” klubi himoyachisi Gari Kexill jamoasini o'zgartirishga yaqin.

The Sun nashrining xabariga ko'ra, himoyachi xizmatlariga “Kristal Pelas” klubi qiziqish bildirmoqda.

Avvalroq, futbolchini “Fulxem” o'z safiga qo'shib olishi to'g'risida xabarlar tarqalgan edi. Biroq tomonlar kelisha olishmadi.

Eslatib o'tamiz, futbolchini shuningdek “Arsenal”, “Aston Villa”, “Vest Xem” va “Bornmut” jamoalari ham o'z safida ko'rmoqchi.