«MYu» va «Yuventus» klublari Pogba va Ronalduni o'zaro almashishi mumkin

«Manchester Yunayted» yarim himoyachisi Pol Pogba «Yuventus»ga qaytishi mumkin. The Independent tarqatgan xabarga ko'ra, "keksa sinora" frantsiyalik futbolchini qo'lga kiritishning turli variantlarini ko'rib chiqmoqda.

Birinchidan, «Yuventus» Pogbani hujumchi Krishtianu Ronalduga almashtirishi mumkin. Klub ushbu variantga qarshi emas. Chunki, "Yuve" portugaliyalik futbolchi bilan jamoaviy o'yin qura olmayapti. Bu narsa Mauritsio Sarri paytida juda sezildi.

«Yunayted» vitse-prezidenti Ed Vudvord esa anchadan buyon Ronaldu bilan shartnoma imzolashni istamoqda.

Ikkinchidan, «Yuventus» Pogbani qo'lga kiritish uchun "MYu"ga Paulo Dibalani ham taklif qilishi mumkin. Argentinalik futbolchi turinliklar safida etarli o'yin amaliyotiga ega bo'lmayapti. Ammo Dibalaning o'zi «Yunayted»ga o'tish istagini bildirmayapti.

Avvalroq «Yunayted» o'yinchi almashtirish variantiga qiziqish bildirmayotgan edi. Ronalduning rejaga kiritilishi vaziyatni o'zgartirishi mumkin.