Rabo faoliyatini APLda davom ettirmoqchi

"Bavariya", "Chelsi", "Liverpul" va "Tottenhem" kabi klublar PSJ yarimhimoyachisi Adrien Rabo uchun raqobat qilmoqda.

Paris United nashri ma'lumotiga ko'ra, "Tottenhem" futbolchiga transferga rozi bo'lishi uchun 5 million evro miqdorida bonus taklif qilmoqda, u londonliklar klubiga o'tsa, yiliga 7,5 million evro miqdoridagi maosh bilan ta'minlanadi. "Shporlar" klubni tark etgan Mussa Dembele o'rnini Rabo bilan to'ldirishmoqchi.

Lekin Rabo agar Angliya chempionatiga o'tsa, "Liverpul" variantini ma'qul ko'rmoqda.

Ma'lumot uchun, ayni vaqtda 23 yoshda bo'lgan Raboning PSJ bilan shartnomasi shu yil yozida tugaydi va u shartnomani uzaytirishdan bosh tortgan. Ushbu havbek yozda boshqa klubga erkin agent maqomida yo'l olishi mumkin.