«MYu» va «Bavariya» bir futbolchi uchun kurashadi

“Manchester Yunayted” va “Bavariya” PSV hujumchisi Steven Bergveyn uchun kurashadi. Bu haqda Sky Sports nashri xabar bermoqda.

Manbaning xabariga ko'ra, jamoalar yosh futbolchini yozgi transfer oynasida o'z saflariga qo'shib olishmoqchi. Futbolchining transferi 30 million evro atrofida bo'lishi mumkin.

21 yoshli futbolchi PSV tarbiyalanuvchisi hisoblanadi. Joriy mavsum u 25 ta o'yinda 10 ta gol urishga erishgan va 9 ta golga assistentlik qilgan.