«Manchester Yunayted» qishda shov-shuvli transferni amalga oshirmaydi

"Manchester Yunayted" klubi tarkibni kuchaytirish uchun yanvar oyida ko'p pul sarflamoqchi emas. Bu haqda klub vitse-prezidenti Ed Vudvord ma'lumot berdi.

"Men aprel oyidayoq pandemiya davrida pulni ehtiyot bilan sarflashimizni aytib o'tgan edim. Ayni paytda esa kelasi yilning yozida amalga oshirishni rejalashtirilgan transferlar sari qadam tashlaymiz", - dedi Vudvord.

"Qizil iblislar" yozgi transfer paytida yangi futbolchilar uchun 83,5 million evro sarfladi. Jamoa eng ko'p pulni "Ayaks" yarim himoyachisi Donni van de Bekni xarid qilish uchun to'ladi — 39 million evro.