Morata: «Faoliyatimda yangi bosqich boshlanayotganidan xursandman»

«Chelsi» hujumchisi Alvaro Morata o'zining «Atletiko»ga o'tayotgani borasida o'z fikrlarini bildirib o'tdi. Futbolchi bugun tibbiy ko'rikdan o'tganidan keyin shartnomaga imzo chekadi.

«Faoliyatimda yangi bosqich boshlanayotganidan xursandman. Bu kunni kutayotgandim.

Men faoliyatimni «Atletiko»da boshlaganman. Men qaerda tug'ilganimni bilgan insonlar bu klub men uchun qanday ahamiyatga ega ekanini yaxshi bilishadi. O'tmish bu o'tmish. Uni o'zgartira olmaymiz», – dedi Morata.

Faktlar:
— «Atletiko» Moratani mavsum oxirigacha «Chelsi»dan ijaraga olmoqda. Mavsum oxirida madridliklar uning transfer huquqini 55 million evroga sotib olishlari mumkin.
— Hujumchi 2005-2007 yillarda «Atletiko» yoshlar jamoasida o'ynagan.
— Morata ushbu mavsum APL doirasida 16ta o'yinda maydonga tushib, 5ta gol urgan.