APL klublari yozgi transferlar uchun 1,3 mlrd evrodan ko'proq sarflashdi

Angliya premer-ligasi klublari yozgi transfer paytida yangi futbolchilar uchun umumiy miqdorda 1,2 mlrd funt sterling (1,3 mlrd evrodan ortiqroq) sarflashdi.

Eng qimmat transfer sifatida Kay Xavertsning «Bayer»dan «Chelsi»ga o'tishi (80 mln evro) bo'ldi. Bu borada ikkinchi pog'onani Ruben Diashning «Benfika»dan «Manchester Siti»ga transferi (68 mln evro) egallagan bo'lsa, Timo Verner («RB Leyptsig»dan «Chelsi»ga, 53 mln evro) kuchli uchlikka kirdi.

Ma'lumot o'rnida. APL klublari o'tgan yilning yozida transferlar uchun bu yilgiga nisbatan 158 million funt (173 mln. evro) ko'proq pul sarflashgan edi.