Suares «Barselona» bilan xayrlashuv matbuot anjumanida ko'z yoshlarini tiya olmadi (video)

Bugun hujumchi Luis Suaresning «Barselona»dan ketishiga bag'ishlangan matbuot anjumani bo'lib o'tdi. Eslatib o'tamiz, urugvaylik futbolchi faoliyatini «Atletiko»da davom ettiradi.

Matbuot anjumani paytida so'z Luisga berilganida, u ko'z yoshlarini tiya olmadi. «Men "Barsa"ning ashaddiy muxlislaridan biri bo'lib qolaman», — dedi 33 yoshli futbolchi.

Suares 2014 yilda «Liverpul»dan «Barselona»ga o'tgan edi. Bu vaqt davomida u 4 martadan La liga va Ispaniya kubogida, bir martadan Chempionlar ligasi, UEFA superkubogi va klublar o'rtasidagi jahon chempionatida g'olib chiqdi. Urugvaylik to'purar "Barsa" safida 283ta o'yinda maydonga tushib, 198ta gol urdi.

???? pic.twitter.com/UOI5kbs6WF

— Hagrid ✆ (@HagridFCB) September 24, 2020