Frenki de Yongning «Barselona»dagi tovon puli aniq bo'ldi

«Ayaks» yarim himoyachisi Frenki de Yong kecha «Barselona» bilan shartnoma imzoladi. Shartnomada futbolchining tovon puli sifatida 400 million evro ko'rsatildi. Bu haqda Mundo Deportivo nashri xabar tarqatdi.

Gollandiyalik futbolchining tovon puli miqdori "Barselona" o'yinchilari orasida uchinchi ko'rsatkichga ega bo'ldi. Lionel Messi (700 mln), Jerar Pike, Serxio Buskets, Serxi Roberto va Samuel Umtiti (500 mln evrodan)ning tovon pullari de Yongnikidan ko'proq.

Eslatib o'tamiz, 21 yoshli yarim himoyachi yozda kataloniyaliklar safiga qo'shiladi. Transfer summasi 75 million evroni tashkil qildi. Ushbu summa turli bonuslar hisobiga yana 11 million evroga oshishi mumkin.

Frenki de Yongning transferi miqdor jihatdan «Barselona» tarixida beshinchi ko'rsatkich sifatida qayd etildi. "Ko'k-anorranglilar" Filippe Koutino (€ 130 mln), Usmon Dembele (€ 120 mln), Neymar (€ 88,2 mln) va Luisa Suares (€ 81,72 mln)ga unga nisbatan ko'proq to'lashgan.