Sarri: «Iguain bugun «Chelsi» bilan shartnoma imzolaydi»

«Chelsi» bosh murabbiyi Mauritsio Sarri ma'lumot berishicha, «Yuventus» hujumchisi Gonsalo Iguain bugun londonliklar bilan shartnoma imzolaydi.

Argentinalik futbolchi mavsum oxirigacha ijara asosida «Chelsi» safida to'p tepadi. Yarim yillik ijara uchun "aristokratlar" 9 million evro to'lashadi. Jamoa Iguainning transfer huquqini to'la sotib olishni istasa, mavsum so'ngida 36 million evrodan voz kechishi kerak bo'ladi.

«Iguain – juda kuchli hujumchi. Ayniqsa, «Napoli»dagi faoliyatimning dastlabki yilida shunday bo'lgan. U men bilan ishlagan eng yaxshi hujumchilardan biri. APLda o'ynab ketish uchun unda etarli tajriba bor.

U bugun shartnoma imzolashiga ishonamiz. Umid qilamiz, u «Chelsi» safida gol urishni boshlaydi. Hozirda u ayrim muammolarga duch kelayotganidan xabarim bor, ammo u o'zining yaxshi formasiga kirib olishiga ishonaman.

U «Tottenxem»ga qarshi o'yinda maydonga tushadimi [Angliya liga kubogi yarim finalning javobi o'yini doirasida — 24 yanvar kuni]? Buning iloji yo'q. Unda qandaydir muammolar bormi? Bilmadim. Bu haqda jamoa shifokori bilan gaplashishi kerak», – dedi Sarri.

Faktlar:
— 2016 yilda «Yuventus» Iguainni «Napoli»dan 90 million evroga sotib olgandi.
— 31 yoshli futbolchi ushbu mavsumning dastlabki yarmida «Milan» safida ijara asosida o'ynadi. U 22ta o'yinda maydonga tushib, 8ta gol urdi va 3ta golga uzatma berdi.